” غباءنا ودهاءهم !!!!”

من حوالي سبعة شهور، لفت نظري اسم واحد مسمّي حالو (سوري أسدي) مع علم سوريا وصورة أسد فيه ؟. طبعاً هاد اسم شائع جداً لكتير صفحات لذلك كلامي ما بقصد فيه حدا معين؟. المهم انو صاحب الصفحة كانت شغلتو هي الاستفزاز والشتم بطريقه رهيبة وخصوصاً على صفحات المعارضة؟. لحتـى إذا بتذكـروا صـارت اتهامـات للجيـش باستخـدام الكيمـاوي فـي شمـال وشـرق مدينـة حلـب ؟. وقتها صار يقول على صفحة (الثورة السورية) انو بدنا نعمل ونترك فيكم ولسه ماشفتو شي وانو ههههه يلي مفتكر انو سوريا سلّمت سلاحها الكيماوي بكون جحش وانو لسه عندنا NRX و XMR وصار يعدد أسماء غريبة؟. الردود على تعليقه تجاوزت (100) ردّ وكلها شتائم وأحقاد مو طبيعيه!. من باب الفضول عملت بحث عن الأسماء المذكورة طلعت فعلاً أسلحه كيماوية وبيولوجيه من إنتاج روسيا وإيران؟. راح فكـري فـوراً انو  هالشخص لا بد يكون ضابـط في الجيـش السـوري بيشتغـل بهيـك مجـال؟. لكـن هاد كـلام خطيـر ومـا بصيـر يحكيـه أصـلاً ؟.

لذلك حكيت معو عالخاص وعاتبتو!. لكن جوابو كان استفزازي وبمعنى أي خليهم يعرفو قيمتهم ومن هالعلاك؟. بصراحة ما استنظفت القصة وصار لازم اعرف مين هالحمار ؟. اتبعت الـ (IP ) تبع الماسنجر وكانت المفاجأة الصاعقة؟. طلع عم يحكي من إسرائيل؟. دخلت على صفحتو وكتبتلو عليها هالمعلومة مع بهدله مرتبة صفقني بلوك وقتها؟؟. من حوالي ثلاث شهور عم اقرأ صحيفة (هآريتس) على الانترنت؟. تفاجأت بهالخبر،. أيهود باراك يهنئ ويكافئ عناصر الوحدة (8200) على جهودهم المثمرة في بث الطائفية والكراهية بين العرب!!!. الوحدة (8200 ) هي تابعه لاستخبارات الجيش الإسرائيلي، تتكوّن من اليهود العرب وأبنائهم يلي بيحكو لغتهم العربية الأم بلهجاتها العراقية والسورية والفلسطينية والمصرية الخ.. عملهم ينحصر في إنشاء صفحات على مواقع التواصل الاجتماعي مثل الفيسبوك وغيرها والتحريض بأسلوب محترف جداً ومدروس؟. في مثلاً صفحات للسنة في شتم الشيعة وصفحات للشيعة تشتم السنة؟. مو بأسلوب رخيص أبداً، وإنما بذكر تاريخ معظمو حقيقي واللعب في بعض الأرقام وتهويلها، مع عبارات في نهاية المنشور من قبيل لن ننسى ولن نغفر وسننتقم ومن هالقصص؟. كمان بالمقابل صفحات تتبنى المؤامرة السوريّة وثانية تتبنى النظام مثل النموذج يلي حكيت عنو؟.وصفحات قبطية عم تشتم بالإسلام يقابلها صفحات إسلام عم تحكي عن الأقباط بمنتهى السوء والاهانه ؟. وشي صفحات درزيه وشي علويه وشي باسم حزب الله وشي حراس الأرز والسلسلة لا تنتهي ؟. كلّ ست شهور هناك جائزة محرزه لصاحب اكبر متابعين على صفحتو؟. تخيلو التشجيع لوين !!!. طبعاً ما في داعي اذكر ردود أفعال القطيع العربي بتعرفوها ؟؟. في شغله مهمة صارت بعدين لما دخلت على صفحة هاد السوري الأسدي من حساب تاني وحاولت افتح معو حديث عالماسنجر حتى اعرف بالضبط منين عم يحكي؟. لأنو من صفحة الفيسبوك مافيك تعرف الـ (IP ) بينما عالماسنجر عم يصير تواصل مباشر بتقدر تحدد العنوان؟. المهم طلع مغيّر البروكسي أو  الـ ( VPN ) وطلع عم يحكي من كندا ؟!. طبعاً هو بإسرائيل لكن بعد ما انكشف استعمل بروكسي كندي؟. لذلك يا جماعه بتمنى عليكم تنتبهو منيح لهيك صفحات !!.

 

د بسام أبو عبد الله

اترك تعليق

كن أوّل من يعلّق

نبّهني عن
avatar
‫wpDiscuz